బాల నటిగా శ్రీదేవి తొలి ఫొటో ఇదే..తీసెందెవరో తెలుసా

Updated: February 27, 2018 01:08:48 PM (IST)

Estimated Reading Time: 3 minutes, 24 seconds

బాల నటిగా శ్రీదేవి తొలి ఫొటో ఇదే..తీసెందెవరో తెలుసా

బాలనటిగా 4వ ఏటనే చలనచత్ర రంగంలోకి శ్రీదేవి అడుగుపెట్టిన సంగతి తెలిసిందే . అప్పుడు ఆమెకు సినిమాల్లో అవకాశాలు కోసం...దర్శక,నిర్మాతలకు  పంపటానికి ఫొటోలు కావాల్సి వచ్చాయి. ఆ సమయంలో తొలి ఫొటో షూట్ జరిగింది.  ఆ ఫొటో షూట్ చేసింది మరెవరో కాదు  ప్రముఖ స్టిల్ ఫొటోగ్రాఫర్ జి.యన్.భూషణ్ (గొల్లపల్లి నాగభూషణం). శ్రీదేవి, చిన్ననాటి బాల్యమిత్రురాలు కుట్టి పద్మినితో వున్న ఫొటోని  జి.ఎన్.భూషణ్ అద్బుతంగా తీసారు. శ్రీదేవి తర్వా కాలంలో భూషణ్ గారిని కలిసి  ఈ ఫొటో కాపీ తీసుకుని  తన దగ్గర దాచుకున్నారు. 

అప్పట్లో శ్రీదేవి...తన  తల్లిదండ్రులు రాజేశ్వరి, అయ్యప్పన్‌లతో మద్రాస్‌లోని టి.నగర్ పెరియర్ వీధిలో ఉండేవారు,  అదే ఇంట్లోనున్న స్టిల్ ఫొటోగ్రాఫర్ జి.యన్.భూషణ్ తో ఆ కుటుంబానికి సన్నిహిత స్నేహ బాంధవ్యం ఏర్పడింది.  దాంతో కొత్తగా సినీ రంగంలోకి అడుగుపెడుతున్న  తమ కుమార్తె శ్రీదేవి కెరీర్ కు పనికొచ్చేటట్టు ఫొటోలు తీయమని అడిగారు. ఎంతో ముద్దుగా చక్కగా ఉండే శ్రీదేవిని అప్పుడు భూషణ్ గారు.. రకరకాల భంగిమలలో  ఫొటోలు తీసారు. ఆ విషయం గుర్తుంచుకుని శ్రీదేవి...అప్పుడప్పుడు హైదరాబాద్ వచ్చినప్పుడు భూషణ్ గారిని ఆప్యాయంగా పలరిస్తూండేవారు. ఆ విషయం భూషణ్ గారి సన్నిహితులు అందరికీ తెలుసు.

 

\"\"

కామెంట్స్